Haqqımızda

Grand-Agro MMC 23.01.2017-ci ildə hüquqi qeydiyyatdan keçmiş və 2017-ci ilin Aprel ayından fəaliyyətə başlamışdır. Şirkətin istifadəsində olan sahələr Abşeron yarımadasının Qala, Türkan, Hövsan, Ramana, Zirə, Şüvəlan ərazilərində yerləşir. Grand-Agro MMC –nin əsas fəaliyyət istiqaməti bağçılıqdır. Hal-hazırda şirkət Abşeron yarımadasında zeytun və badam bağlarının salınmasını həyata keçirir. Şirkətin gələcək planlarında yağ istehsalı zavodunun tikintisi, Abşeron yarımadasında istixana sistemlərinin qurulması və yaradılmış bağ ərazilərinin inkişaf etdirilməsi əsas yer tutur.

Əsas nailiyyətlərimiz isə bunlardır:

1. 2019-cu ildə 8 ədəd nasosxana binası inşa edilmişdir

2. 1707 hektarda  müasir damlama-suvarma sistemləri qurulmuşdur

3. 2018-ci ildə 37 hektarda 14562 ədəd badam tingləri əkilmişdir

4. 2019-cu ildə ümumilikdə 527 hektarda 446 550 ədəd zeytun tingləri və 6000 ədəd badam tingləri əkilmişdir

5. Zeytun emalı zavodu üzrə layihələndirmə işləri artıq tamamlanma mərhələsindədir


Zeytunun faydaları

Zeytun ta qədimdən insanların qidalanmasına daxildir. Bizim eramızda çox-çox əvvəl zeytundan yağ hazırlanırdı, zeytun qidada istifadə olunurdu. Dahi həkim Avisenna zeytunu "hər dərdin dərmanı" sayırdı. Qədim yunanlar zeytun yağını "duru qızıl" adlandırırdılar. Zeytun çox zəngin kimyəvi tərkibə malikdir. Onun tərkibində əvəzolunmaz Omeqa-6 yağlı turşular, orqanik turşular, zülallar, qida lifləri, C, PP, E, A, K, B qrupu vitaminləri, beta-karotin, fosfor, dəmir, kalium, maqnezium, mis, kalsium, sink və s. minerallar var.

blog
“Grand-Agro” süfrəlik zeytun və zeytun yağı istehsalı kompleksinin inşasına başlayır

“Türkan qəsəbəsi yaxınlığında 7.99 hektar tikinti altı sahə olmaqla ümumilikdə 12.4 hektar ərazini əhatə edən Zeytun Emalı Kompleksi-nin istismara verilməsi 2021-ci ildə nəzərdə tutulmuş və əhalinin yüksək keyfiyyətli və sağlamlıq rəmzi olan zeytun məhsulları ilə təmin olunmasını məqsəd olaraq qoymuşdur. Zeytun Emalı Zavodu layihəsi çərçivəsində emal prosesi zəncirinin tam qapalı edilməsi prinsipi əsas götürülməklə tullantıların emalını həyata keçirmək, yan sahələrin, xüsusilə zeytun tərkibli kosmetik vasitələrin, orqanik gübrələrin istehsalına əsaslı dəstək veriləcəkdir”.

blog
Grand-Agro MMC: Azərbaycanda zeytunçuluğun inkişafında yeni mərhələ

Azərbaycanda zeytunçuluğun inkişafını, ölkəmizin və həmçinin regionun keyfiyyətli zeytun məsullarına ehtiyacını təmin etməyi qarşısında məqsəd olaraq qoymuş Grand-Agro MMC 2017-ci ildə təsis edilmiş, qısa zamanda ölkəmizdə ilklərə imza atmışdır. Belə ki, şirkətin istifadəsinə verilmiş 3000 hektara yaxın ərazidə böyük həcmli əkinləri həyata keçirmək üçün sahələr məişət və sənaye tullantılarından, eləcə də plantaj şumlama aparmaqla daş, qayalıqlardan əsaslı şəkildə təmizlənmişdir.